Thursday, February 28, 2013
လယ်သမားတိုက်ပွဲ မုချအောင်ရမယ်။လယ်တွေကိုမတရားသိမ်းတဲ့ ခရိုနီတွေမှန်သမျှ ကျဆုံးစေရမယ်။
Posted on 4:17 PM by tun tun
ဧရာဝတီတိုင်းက ငါးသလောက်နဲ့ ငါးပြေမတင် နာမည်ကြီးတာမဟုတ်ဘူး။ လယ်သမားတွေကလဲ အစဉ်အလာကြီးကြ ပါတယ်။ လူသားတွေဖြစ်တဲ့အတွက် ဘယ်လိုတုန့် ပြန်ရမယ်ဆိုတာ နားလည်ကြတယ်။ ဒီမြေပေါ်မှာ အင်ဝဘုရင် မင်း ခေါင်ခေတ်ကနေ ဒီနေအထိ ဒီကန်သင်းရိုးတွေပေါ်မှာ တိုက်ပွဲတွေဖြစ်ခဲ့တယ်။ ပဒေသရာဇတ်ခေတ်က စစ်ပွဲတွေကို အရင်းခံက မြေယာတော်လှန်ရေးတမျိုးပါပဲ။ မြေယာပိုင်ဆိုင်မှုအတွက် တိုက်ခဲ့ကြတာ။ မြေယာက စီးပွားရေးရဲ့ကျောရိုး ဖြစ်နေတာကိုး၊ စီးပွားရေးစစ်ပွဲလို့လဲ ပြောလို့ရတယ်။
မဆလခေတ်တလျှောက်လုံးကိုလဲ လယ်သမားတွေ တော်လှန်ခဲ့ကြတယ်။ မဆလခေတ်က နေ၀င်း တီထွင်ထားတဲ့ ပေါ်လစီက လယ်လုပ်သူ လယ်ပိုင်ခွင့်ရှိရမယ် ဆိုတဲ့ ပေါ်လစီဖြစ်တယ်။ လှည့်စားထားတာပါ။ လယ်သမားတွေ လယ် ပိုင်ခွင့် မရှိခဲ့ကြဘူး။ လယ်ယာမြေအားလုံး နိုင်ငံတော်ပိုင်တာပဲ။ နိုင်ငံတော်ကဘယ်သူလဲ။ နိုင်ငံတော်က သူတို့ပဲဖြစ်နေ တယ်။
ဧရာဝတီတိုင်းကို ဖြတ်လေးဖြတ်နဲ့ စစ်ဆင်ရေးတွေ လုပ်ခဲ့ကြတယ်။ ၁၉ ၉၂ လောက်မှာလဲ ကေအင်ယူက ဧရာဝတီ တိုင်းကို ထိုးဖေါက်စစ်ဆင်ခဲ့တယ်။ လယ်သမားတွေ လိုက်ပါကူညီခဲ့ကြတယ်လို့ ပြန်လာတဲ့ ကရင်ရဲဘော်တွေ ပြောပြကြ တယ်။
သူတို့ဟာ တိုက်ပွဲအတွေ့အကြုံရှိကြတယ်။ ဧရာဝတီတိုင်းက ရဟန်းပညာရှိနဲ့ လူပညာရှိတွေလဲထွက်တယ်။ အစဉ်အ လာကြီးတဲ့ နိုင်ငံရေးခေါင်းဆောင်တွေလဲထွက်
ဧရာဝတီတိုင်းက လယ်သမားတိုက်ပွဲကို ချီးကျူးဂုဏ်ပြုပါတယ်။ အကြမ်းဖက်လာသူကို ခုခံလိုက်တာဟာ မှန်ကန်မှုရှိတဲ့အပြင်၊ တရားမျှတမှုလည်းရှိတယ်။
လယ်သမားတိုက်ပွဲ မုချအောင်ရမယ်။
လယ်တွေကိုမတရားသိမ်းတဲ့ ခရိုနီတွေမှန်သမျှ ကျဆုံးစေရမယ်။
(မိုးသီးဇွန်) HUGAWNG KACHIN
Subscribe to:
Post Comments (Atom)
No Response to "လယ်သမားတိုက်ပွဲ မုချအောင်ရမယ်။လယ်တွေကိုမတရားသိမ်းတဲ့ ခရိုနီတွေမှန်သမျှ ကျဆုံးစေရမယ်။ "
Leave A Reply