Sunday, February 3, 2013

ငြိမ်းချမ်းရေးရရှိဖို့အတွက် လမ်းလျှောက်သူများ နေပြည်တော်ရောက်ရှိ


2013-02-02
ကချင်ပြည်နယ်မှာ ဖြစ်ပွားနေတဲ့ စစ်ပွဲတွေ ရပ်တန့်ပေးဖို့အတွက် ကချင်ပြည်နယ်၊ လိုင်ဇာမြို့အထိ လမ်းလျှောက်တဲ့ အဖွဲ့ဟာ ဒီကနေ့ဆိုရင် နေပြည်တော်ကို ရောက်ရှိနေပြီလို့ သိရပါတယ်။
Photo: RFA/Kyaw Zawe Win
ရန်ကုန်မြို့ မြို့တော်ခန်းမရှေ့ကနေ ကေအိုင်အိုဌာနချုပ်ရှိရာ လိုင်ဇာမြို့အထိ မိုင်ပေါင်း ၈၀၀ ချီတက်လမ်းလျှောက်ဆန္ဒပြမယ့် ငြိမ်းချမ်းရေးလိုလားသူတစ်စုကို အင်းစိန်လမ်းမပေါ်တွင်တွေ့ရစဉ်
ငြိမ်းချမ်းရေး လမ်းလျှောက်တဲ့ ခရီးစဉ်မှာ ဒေသဆိုင်ရာ အာဏာပိုင်တွေဘက်က နှောင့်ယှက်တာတွေရှိခဲ့ပေမယ့် စစ်ပွဲဖြစ်နေတဲ့ လိုင်ဇာအထိ ရောက်အောင်သွားပြီး ငြိမ်းချမ်းရေးအလံ စိုက်ထူမယ်လို့ လမ်းလျှောက်ရာမှာပါဝင်တဲ့ ဦးမောင်စန်းက RFA ကို အခုလိုပြောပါတယ် ။
"စစ်ပွဲဖြစ်နေတဲ့နေရာတွေမှာ ငြိမ်းချမ်းသွားဖို့အတွက် ပြည်သူလူထုမှာ တာဝန်ရှိတယ်၊ ကျနော်တို့မှာ တာဝန်ရှိတယ်လို့ ယူဆတာကြောင့် တိုက်ပွဲဖြစ်ပွားနေတဲ့ လိုင်ဇာမြို့အထိ လမ်းလျှောက်ပြီး ငြိမ်းချမ်းရေးအလံတိုင်ကို စိုက်ထူမယ်"
ရန်ကုန်မြို့က စတင်ထွက်ခွာလာတာ ဒီကနေ့ နေပြည်တော်ကို ရောက်ရှိတဲ့အထိ ၁၃ ရက် ကြာမြင့်ခဲ့ပြီး ခရီးစဉ်တစ်လျှောက်ရရှိခဲ့တဲ့ အလှူငွေ ၄၉ သိန်းနဲ့၊ အဝတ်အထည်၊ ဆေးဝါးအားလုံးကို ကချင်စစ်ဘေးသင့်ပြည်သူတွေကို လှူဒါန်းသွားမယ်လို့ သိရပါတယ်။
အဲဒီ ငြိမ်းချမ်းရေးအတွက် လမ်းလျှောက်သူတွေဟာ နေပြည်တော်၊ ဇေယျာသီရိမြို့နယ်၊ နန်းအောကျေးရွာမှာ ဒီကနေ့ ညအိပ်ရပ်နားမှာဖြစ်ပါတယ်။   RFA

ရိုဟင်ဂျာကို တိုင်းရင်းသားခေါင်းဆောင်များနှင့် တန်းတူထား၍ ဗြိတိန်သံအမတ် ပွဲထုတ်နေ၍ စိတ်ပျက်မိကြောင်းပြော

သတင်း — February 1, 2013 at 11:40 am


မြန်မာတိုင်းရင်းသား ခေါင်းဆောင်တွေနဲ့ တွေ့ဆုံမယ်ဆိုတိုင်း မြန်မာနိုင်ငံဆိုင်ရာ ဗြိတိန် သံအမတ်ကြီးက ရိုဟင်ဂျာ တစ်ဦးပါ ခေါ်ထားပြီး တိုင်းရင်းသား ခေါင်းဆောင်တွေနဲ့ အတူ ပွဲထုတ်နေတဲ့ အတွက် စ်ိတ်ပျက်မိတယ်လို့ ရခိုင်တိုင်းရင်းသားများ တိုးတက်ရေး ပါတီမှ အထွေထွေ အတွင်းရေးမှူး ဦးလှစောက ပြောပါတယ်။
b
“ ခွဲခြားဆက်ဆံတဲ့ သဘောမျိုး ပြောတာတော့ မဟုတ်ပါဘူး။ သူတို့က မြန်မာတိုင်းရင်းသား မဟုတ်ပါဘူးလို့ ပြောထားတဲ့ကြားထဲက တိုင်းရင်းသား ခေါင်းဆောင်တွေကို ခေါ်တွေ့တိုင်း သူတို့ပါလာတာက ပြောရဆိုရတဲ့ နေရာမှာ စိတ်ပျက်စရာ ကောင်းတယ်လို့”  ဦးလှစောက ပြောပါတယ်။
ဒီလ ၃၀ ရက်နေ့က ဗြိတိသံအမတ်ကြီးဟာ ရခိုင်တိုင်းရင်းသား ခေါင်းဆောင်တွေ ဖြစ်ကြတဲ့ ရခိုင်ဒီမိုကရေစီ အဖွဲ့ချုပ်က ဦးအေးသာအောင်၊ ရခိုင်တိုင်းရင်းသား တိုးတက်ရေးပါတီက ဦးဦးလှစော၊ ချင်းပါတီက ဦးဇော်ဆန်၊ မွန်၊ကချင် စတဲ့ တိုင်းရင်း ခေါင်းဆောင်တွေနဲ့ သံရုံးကို ခေါ်ယူတွေ့ဆုံရာမှာ National Democratic Party for Development ပါတီက ရိုဟင်ဂျာ အမည်နဲ့ ခေါင်းဆောင် တစ်ဦးလည်း တက်ရောက်ခဲ့တယ်လို့ ဆိုပါတယ်။
တိုင်းရင်းသား ခေါင်းဆောင်တွေနဲ့ ဗြိတိန် သံအမတ်ကြီးတို့ တွေ့ဆုံရာမှာ တိုင်းရင်းသား ခေါင်းဆောင်တွေက ပြည်တွင်း ရပ်စဲရေး ကိစ္စ၊ လက်ရှိ ကချင်နဲ့ ဖြစ်နေတဲ့ ကိစ္စ၊ ဖက်ဒရယ် ပြည်ထောင်စု ကိစ္စတွေကို အမြင်ချင်း ဖလှယ်ဆွေးနွေးကြပေမယ့် ရိုဟင်ဂျာ ခေါင်းဆောင်ဆိုသူက ပြည်ထောင်စု ကိစ္စကို လုံးဝ စိတ်ဝင်စားမူ မရှိဘဲ ရိုဟင်ဂျာတွေ ဘယ်လိုဖိနှိပ်ခံနေရတယ်။ ဘယ်လို ခွဲခြား ဆက်ဆံ ခံနေရတယ်ဆိုတာကိုဘဲ ထပ်တလဲလဲ တင်ပြနေတယ်လို့ ပြောပါတယ်။
တစ်ဘက်နဲ့ တစ်ဘက် အချေအတင် စကား မပြောလိုတဲ့ အတွက် သည်းညဉ်းခံရပေါင်းလည်း များနေပြီလို့ ဆိုပါတယ်။
ခုလို အခြေအနေတွေကြောင့် ဗြိတိန် သံအမတ်ကို ပွင့်ပွင့်လင်းလင်း မေးပြီး နောက်နောင်ဆိုရင် ဒီလို ဆွေးနွေးပွဲတွေကို တက်ရောက်ဖို့ အတွက် ရခိုင်တိုင်းရင်းသားတွေဘက်က စဉ်းစားရတော့မယ်လို့ ဦးလှစောက ပြောပါတယ်။
ခေါ်တဲ့ အခါမှာလည်း ဘယ်သူတွေကို ခေါ်ထားတယ်ဆိုတာကို ကြိုမပြောဘဲ တိုင်းရင်းသား ခေါင်းဆောင်တွေနဲ့ တွေ့ဆုံလိုတယ်လို့ ဖိတ်ခေါ်တဲ့ အတွက် သွားရောက်တဲ့ အခါတိုင်း ဒီလို တွေ့ရတယ်လို့ ပြောပါတယ်။
ဗြိတိန် အပါအ၀င် နိုင်ငံခြား သံတမန်တွေဟာ ရခိုင်အရေးနဲ့ ပတ်သက်ရင်လည်း ကြောင့်ကြ စိုးရိမ်တာကလွဲပြီး ဘာလုပ်လို့ ဘာကိုင်ရမယ်ဆိုတာ ဝေခွဲမရ ဖြစ်နေကြပုံ ရတယ်လို့ ဦးလှစောက ပြောပါတယ်။
သူတို့ အနေနဲ့ အကူအညီပေးဖို့လောက်နဲ့ အဲဒါကိုဘဲ သူတို့တတ်နိုင် တယ်လို့  မြင်တဲ့ အကြောင်း ဦးလှစောက ပြောပါတယ်။
အဲဒီနေ့က တွေ့ဆုံ ဆွေးနွေးပွဲကို ဗြိတိန် သံအမတ်နဲ့ အတူ AusAid က ကိုယ်စားလှယ်တွေ တက်ရောက်ခဲ့တယ်လို့ သိရပါတယ်။   NARINJARA