Thursday, December 20, 2012
အဆိပ်သင့်မည့် ရွှေ
Posted on 7:53 PM by tun tun
|
မြန်မာနိုင်ငံမှသိန်းစိန်အစိုးရသည်လည်း ပြည်သူလူထုအား ဖိနှိပ်ချုပ်ချယ်မည့်ယန္တရားတစ်ခုလုံး ကောင်းမွန်စွာ ဆက်လက်လည်ပတ်နိုင်ရေး၊ သူတို့အာဏာသက်ဆိုးရည်နိုင်ရေးတို့အတွက် ရခိုင် ပြည်ရှိ "ရွှေ" သဘာဝဓာတ်ငွေ့ ရတနာသိုကနှင့် တခြားစီမံကိန်းများကို အကောင်အထည်ဖော် ဆောင်ရွက်လျှက်ရှိသည်။ ထိုသဘာဝဓါတ်ငွေ့သိုက်နှင့် အခြားစီမံကိန်းတို့သည် သူတို့အတွက် ရတနာဖြစ်သော်လည်း ပြည်သူအတွက် ငရဲမီးဖြစ်နေပေသည်။မျက်မှောက်ကမ္ဘာ၌ ရေနံနှင့်သဘာဝဓာတ်ငွေ့ လိုအပ်မှုမြင့်မားလာခဲ့သည်။ ကမ္ဘာ့သမိုင်းစဉ်တစ်လျှောက်တွင်လည်း နိုင်ငံကြီးများသည် သူတို့နိုင်ငံတိုးတက်ရေး၊ စစ်ရေး၊ နိုင်ငံရေးအရ အသာရရှိရေးအတွက် စစ်ပွဲများဖြစ်ပွားခဲ့ကြသည်။ နိုင်ငံ၏ စွမ်းအင်သယံဇာတများသည် ကမ္ဘာ့နိုင်ငံရေး၊ စစ်ရေး၊ စီးပွားရေးတို့တွင် ကြီးမားသော အခန်းကဏ္ဍက ပါဝင်နေသည်။စွမ်းအင်သယံဇာတသည် နိုင်ငံတစ်နိုင်ငံ အသက်ရှင်ရပ်တည်ရေး၊ ဖွဲ့ဖြိုးတိုးတက်ရေးတို့အတွက် အဓိကကျသည်။ "သုံးတတ်လျှင်ဆေး၊ မသုံးတတ်လျှင်ဘေး" ဆိုသလို သယံဇာတသည် တိုင်းပြည် အကျိုးအတွက် အသုံးပြတတ်လျှင် ရတနာတစ်ပါးဖြစ်ပြီး ပြည်သူအား ဖိနှိပ်ရာတွင် အသုံးပြုလျှင် မီးသွေးခဲတစ်ခဲမျှလောက်ပင် တန်ဖိုးမရှိပေ။ တိုင်းပြည်၏ သယံဇာတပုံကြီးတွင်ခွထိုင်ပြီး ပြည်သူကို အကြမ်းဖက် နှိမ်နှင်းဖိနှိပ်၊ အခြားနိုင်ငံများကိုရန်စောင်၊ ဝေဖန်တင်ပြလာသူများအား အကျဉ်းထောင်ထဲသို့ပို့ခဲ့သော အာဏာရှင်များ ကမ္ဘာကြီးတွင် စိုးမိုးခဲ့သည်များကိုလည်း မြန်မာလူထုတစ် တစ်ရပ်လုံး မျက်ဝါးထင်ထင် တွေ့ရှိခဲ့ရပြီးဖြစ်သည်။ လွန်ခဲ့သောနှစ်များစွာကပြုတ်ကျသွားခဲ့သော အီရတ်နိုင်ငံအာဏာရှင်အစိုးရ ဆက်ဒမ်ဟူစိန်နှင့် မကြာခင်က ဘဝနိဂုံးချုပ်သွားခဲ့သည့် လျစ်ဗျားနိုင်ငံ အာဏာရှင် ကဒါဖီတို့သည် "ရေနံ"နှင့် သယံဇာတကိုပြည်သူအကျိုးအတွက် အသုံးမပြုဘဲ မိမိတို့အာဏာတည်မြဲရေးအတွက် ပြည်သူလူထုအား ဖိနှိပ်ချုပ်ချယ်ရာတွင်အသုံးပြုခဲ့သည်။ အာဏာရှင်များလက်ထဲတွင် သယံဇာတ ပစ္စည်းများ လက်ဝယ်ရှိနေခြင်းသည် ပြည်သူ၊ ပြည်သားများအတွက် ကျိန်စာသဖွယ် ဖြစ်နေကြရသည်။
မြန်မာပြည်သူများကို မငဲ့ကွက်သော အိမ်နီးချင်းနိုင်ငံများသည်လည်း အရပ်ဝတ်စစ်အဏာရှင်များနှင့်လာပြီး ဈေးစကားနေကြသည်။ "ကိုယ့်အကျိူးလို၍ သူ့အကျိုးနှင့်ညှိ"ဆိုသလို ကိုယ့်အကျိုးများဖြစ်သော တိုင်းပြည်အာဏာကို အသက်ထက်ဆုံး ဆုပ်ကိုင်ထားနိုင်ရေး၊ ဆွေစဉ်မျိုးဆက် ကောင်းစားနိုင်ရေးအတွက် ပြည်သူလူထုတစ်ရပ်လုံး ခံးစားပိုင်ခွင့်ရှိသော ရခိုင်ပြည်ရှိ "ရွှေ" သဘာဝဓာတ်ငွေ့အား တရုတ်ကို ရောင်းချရန်အတွက် ရခိုင်ပြည်နယ်၊ မကွေးတိုင်း၊ မန္တလေးတိုင်းနှင့် ရှမ်းပြည်နယ်များကိုဖြတ်၍ တရုတ်ပြည် ယူနန်ပြည်နယ်အထိ ပိုက်လိုင်းများတည်ဆောက်နေပြီး ဖြစ်သည်။ သူတို့လိုချင်ရာရသွားသော တရုတ်တို့ကလည်း အရပ်ဝတ်စစ်အာဏာရှင်များ၏ ပြည်သူအပေါ်ကျူးလွန်ခဲ့သော အမှားများကို ပြည်ဖုံးကားချပ်ချလိုက်ရုံသာမက နိုင်ငံတကာ မျက်နှာစာတွင် စစ်အာဏာရှင်များအား ကာကွယ်ပြောဆိုပေးနေကြသည်။ "ပြည်သူ့ဘဏ္ဍာရေးဖြင့် လက်နက်ဝယ်၊ ထိုလက်နက်ဖြင့် ပြည်သူကိုသတ်" ဆိုသည့် အာဏာရှင်များ အမြဲရွက်ဆိုနေသော ဂါထာတော်အတိုင်း မြန်မာနိုင်ငံစစ်ဦးစီးချုပ် မင်းအောင်လှိုင်မှာ ဗီယက်နမ်နိုင်ငံသို့သွား၍ စစ်ဖက်ဆိုင်ရာ သံရေးတမန်ရေး ခင်းလိုက်သေးသည်။ ထို့အပြင် "တပ်မတော်အင်အားရှိမှ တိုင်ပြည်အင်းအားရှိမည်"ဟုဆိုကာ ပြည်ပရန်ကိုကာကွယ်နေသည့်အလား ပြည်သူလူထုများဖြစ်သည့် ကချင်ဒေသကို ထိုးစစ်ဆင်နေသည်။ယခုအချိန်အခါ အရပ်ဝတ်စစ်အာဏာရှင်များရပ်တည်နေနိုင်ခြင်း၊ ဆက်လက်ရပ်တည်နိုင်မည့် အကြောင်းအရင်းဇစ်မြစ်သည်"ရွှေ"ဂတ်(စ်)စီမံကိန်းဖြစ်သည်။ "ရွှေ"ဂတ်(စ်)စီမံကိန်းအား အရပ်သား အရေခြုံထားသည့် စစ်အာဏာရှင်များအောင်မြင်စွာ ရှေ့ဆက်ဆောင်ရွက်နိုင်လျှင် ထိုမှရရှိသော ဝင်ငွေဖြင့် စစ်အုပ်ချုပ်ရေး သက်ဆိုးရှည်စွာအုပ်ချုပ်သွားနိုင်လိမ့်မည်ဖြစ်သည်။ အရပ်သားအစိုးရတစ်ပိုင်း စစ်အာဏာရှင်များ သက်ဆိုးရှည်စေမည့်"ရွှေ"ဂတ်(စ်)ပိုက်လိုင်းစီမံကိန်းသည် မြန်မာနိုင်ငံ၏ အနာဂတ်ကို ခြိမ်းခြောက်နေပေသည်။ ယခုလက်ရှိအချိန်တွင် အရပ်ဝတ်တစ်ပိုင်း အာဏာရှင်အစိုးရမှ စီစဉ်ဆောင်ရွက်နေသည့်"ရွှေ"ဂတ်(စ်)ပိုက်လိုင်းစီမံကိန်းအား မြန်မာလူထုတစ်ရပ်လုံးမှ မိမိတို့ ရသင့်ရထိုက်သည့် အခွင့်အရေးများကိုရရှိရန် မကြိုးစားဘဲ ဒီအတိုင်း လက်ပိုက်ကြည့်နေကြမည်ဆိုပါက နောင်လာနောင်သားများအတွက် တာဝန်မကျေသူများ ဖြစ်ကြပေလိမ့်မည်ဖြစ်သည်။ ထို့ကြောင့် မြန်မာနိုင်ငံအား ချစ်မြတ်နိုးသော ပြည်သူပြည်သားများပီပီ စစ်မှန်သည့် ဒီမိုကရေစီရေး၊ လူ့အခွင့်အရေး၊ သဘာဝပတ်ဝန်းကျင်ဆိုင်ရာများနှင့် တခြားရသင့်ရထိုက်သည့် အခွင့်အရေးဆိုင်ရာများကို ရရှိရန် အားလုံးပူးပေါင်း တိုက်ပွဲဝင်သွားကြပါဟု တိုက်တွန်းနိုးဆော်လိုက်ရပါသည်။ arakan times
Subscribe to:
Post Comments (Atom)
No Response to "အဆိပ်သင့်မည့် ရွှေ "
Leave A Reply