၁၉၆၇-ခုနှစ် သြဂတ်(စ်) ၁၃ ရက်နိ ဆန္ဒပြပွဲတွင် ကိုယ်တိုင်ပါဝင်ခသူ ဦးမောင်အေးချမ်းမှာ ရခိုင်ပြည် စစ်တွေမြို့မှဖြစ်ပြီး မြန်မာနိုင်ငံလွတ်လပ်ရေးရပြီး (၂) နှစ်အကြာ ၁၉၅၀-ခုနှစ်တွင် မွီးဖွားသည်။ ဘ၀သက်တမ်းတလျှောက်လုံး ရခိုင်နိုင်ငံရေးတွင် ပါဝင်ခသဖြင့် အကြိမ်ကြိမ် ထောင်ကျခသူလည်းဖြစ်သည်။ ရခိုင်ပြည်လွတ်မြောက်ရေးပါတီ တည်ထောင်စဉ်က ကေဒါတဦးအဖြစ် ပါဝင်ခသည်။ ၁၉၈၅-ခုနှစ်တွင် ရခိုင်ပြည်အမျိုးသားလွတ်မြောက်ရေးပါတီ (ရမလပ) တွင် တာဝန်ထမ်းဆောင်သည်။ နောက်ပိုင်း ရခိုင်ပြည်အမျိုးသား ညီညွတ်ရေးပါတီတွင် ပါဝင်လာသည်။ ယခုအခါ ပန်းထိမ်ဆရာတဦးအဖြစ် ဘင်္ဂလာဒေ့ခ်ျနိုင်ငံ ကော့ဘဇာမြို့တွင် မိသားစုနှင့်အတူ နီထိုင်လျှက်ဟိသည်။ ဦးမောင်အေးချမ်းသည် သြဂတ်(စ်) ၁၃ အရေးတော်ပုံတွင် ကိုယ်တိုင်ကိုယ်ကျပါဝင်ခသူဖြစ်သဖြင့် ယခုလတွင်ကျရောက်သော နှစ် (၄၀) မြောက် ရခိုင်ပြည်ဆန်ပြဿနာနိ (သို့မဟုတ်) ၁၃ သြဂတ်(စ်) အရေးတော်ပုံနိတွင် သြဂတ်(စ်) ၁၃ အရေးတော်ပုံအကြောင်းအား အများသူငါ သိကြားနိုင်ရန် သူနှင့်တွိဆုံမိန်းမြန်းခန်းကို ထည့်သွင်းဖော်ပြလိုက်ပါသည်။

NN ။ ရခိုင်ပြည် ဆန်ပြဿနာနိ ဇာကစလို့ ဇာပိုင်ဖြစ်လာစွာပါလဲ။

ချမ်း။ ။ ရခိုင်ပြည်ရေ စပါးဆန်ရီ အလွန်ပေါများရေ တိုင်းပြည်ဖြစ်ပါရေ။ ၁၉၆၇-ခုနှစ်မှာ ဗိုလ်နေ၀င်းစစ်အစိုးရက ရခိုင်ပြည်ကဆန်စပါးတိကို သတ်မှတ်ထားရေ ဈီးနန့် မရောင်းမနီရ အတင်းအဓမ္မသိမ်းကျုံးဝယ်ယူပြီး အစိုးရဂိုဒေါင်တိမှာ လှောင်ထားပါရေ။ ပြီးကေ ယင်းဆန်စပါးတိကို နိုင်ငံခြားတိုင်းပြည်တိကို အဆက်မပြတ်ရောင်းနီလို့ ရခိုင်ပြည်သားတိ ထမင်းငတ်ကတ်ပါရေ။ ချမ်းသာရေလူတိတောင်က ငွေဟိကေလဲ့ ဆန်ဝယ်လို့မရ၊ ကပ်ဆိုးဆိုက်ပါရေ။ ရခိုင်သားတိစွာ တခါလည်း အငတ်ဖီးကို မကြုံဖူးပါ။ နေ၀င်းလက်အောက်ရောက်မှ ရခိုင်သားတိ ထမင်းငတ်လို့ သူတောင်းစားဖြစ်ပါရေ။ ပြိန်းဥနန့်ချိုင်ပေါင်ကြိုသောက်ကတ်ရပါရေ။ ၀မ်းလားလို့သီသူသီ ပျောက်သူပျောက် ဒုက္ခဆိုက်ရောက်ပါရေ။ တချို့ဆိုကေ ရှက်လို့ မိသားစုတခုလုံး အဆိပ်စားလို့ ကိုယ့်စွာကို သတ်သီလားကတ်ပါရေ။ ရခိုင်ပြည်တခုလုံးမှာ ဆန်ပြဿနာကြောင့် အမျိုးမျိုးပြဿနာ ဖြစ်ပါရေ။ ငတ်လို့ အပျိုမချေတိ ၀ါကြီးဝါကြီးမတိပါမကျန် ထမင်းအလှူခံစားဘ၀ ရောက်ရပါရေ။

အေချင့်တိကိုမြင်လို့ ပြည်သူတိက အစိုးရဘားမှာ ဆန်ရောင်းချပီးဖို့ အကြိမ်ကြိမ် တင်ပြတောင်းပန်ကေလဲ့ အာဏာပိုင်တိက လုံးဝဂရုမစိုက်ပါ။ ယင်းအတွက်နန့် အာဏာပိုင်တိကို ထိပ်တိုက်ရင်ဆိုင်လို့ ဆန်ရဟိရေးကို ရခိုင်သားတိ တောင်းဆိုစွာဖြစ်ပါရေ။ ယေကေလဲ့ ယင်းအချိန်က ရခိုင်ပြည်ကို အုပ်ချုပ်ထားရေ မြန်မာအစိုးရက ရခိုင်သားတိကို ညစ်ညစ်ပတ်ပတ် ပစ်သတ်ခစွာဖြစ်ပါရေ။ ယင်းနိရေ ၁၉၆၇-ခု သြဂတ်(စ်) ၁၃ ရက်နိဖြစ်ပြီး ရခိုင်သားတိ အသတ်ခံခရရေ နိဆိုးနိယုတ်ဖြစ်ပါရေ။ ရခိုင်သားတိအားလုံး ယင်းနိကို တခါလည်းမိဖို့မဟုတ်ပါ။

NN ။ မြန်မာအစိုးရက ရခိုင်ပြည်ဆန်ပြဿနာကို အီးအီးချမ်းချမ်း ဖြေယှင်းလို့ရယင့်သားနန့် ဖြေယှင်းမပီးဘဲ အခုပိုင် ရက်ရက်စက်စက် ပစ်သတ်ခစွာကို ဇာပိုင်မြင်ပါရေလဲ။

ချမ်း။ ။ မြန်မာအစိုးရက ရခိုင်သားတိ ငတ်လို့သီသီ အရေးမကြီး၊ စပါးကို နိုင်ငံခြားသို့ရောင်းလို့ ဒင်္ဂါးရကေကျီ။ ပြည်တွင်းစစ်မှာသုံးဖို့ လက်နက်ဝယ်ဖို့ အရေးကြီးရေ။ ယင်းနှစ် ရခိုင်ပြည်မှာမက မြန်မာတပြည်လုံး ငတ်ကတ်ပါရေ။ ကျွန်းရွာတိမှာ ထမင်းငတ်လို့ သီကတ်တေ။ ရန်ကုန်မှာဆိုကေ စကေချေ ချောင်ပါရေ။

NN ။ နေ၀င်းလက်ကိုင်တုတ် ဗိုလ်မှူးစောဖြူက ရခိုင်သားတိကို ပစ်သတ်စွာမှာ သီကျလားခသူဦးရေကို သိချင်ပါရေ။ ယင်းအချိန်က ရှာမရ ပျောက်လားခသူတိကို နောက်ပြန်တွိပါရေလား။

ချမ်း။ ။ သူရို့ တရားဝင်လိမ်ကြေငြာစွာက စုစုပေါင်း (၂၄) ယောက်ရာ သီရေလို့ဆိုပါရေ။ ယေကေလဲ့ ရခိုင်သားတိစာရင်းကောက်စွာ လူ (၃၀၀) ကျော်သီပါရေ။ ဇာကြောင့်လည်းဆိုကေ တချို့ရပ်ကွက်တိမှာ မိဘဆွီမျိုးတိက သူ့သားသမီးတိ ဇာရောက်လားရေလဲ သီလားပျောက်လား ရှာနီကတ်စွာ ကျွန်တော်ကိုယ်တွိပါ။

NN ။ အပစ်သတ်ခံရရေ လူသီအလောင်းတိကို သူရို့ ဇာမှာမြုတ်ပစ်ပါရေလဲ။

ချမ်း။ ။ အလောင်းတိကိ်ု ပထမ လမ်းမထက်မှာ အေအတိုင်းပစ်ထားပါရေ။ ပြီးကေ စစ်ကားကြီးတိ ရောက်လာပါရေ။ ယင်းအချိန်မှာ ဒဏ်ရာနန့်မသီသိမ့်ရေလူတိက (ကျွန်တော်မသီပါသိမ့်၊ ဆီးရုံကိုပို့ပါ၊ ဆီးကုကေ ကောင်းနိုင်ပါသိမ့်ရေ) လို့ တောင်းပန်ကေလဲ့ ဘောက်သာအိပ်ကို ကားထက်တင်ပိုင်ယှောင် ယူလားပြီးကေ အုန်းတောမှာ အသီအရှင်တပါတည်းပေါင်းလို့ ဓါတ်ဆီလောင်းလို့ မီးတိုက်ပစ်လိုက်ကတ်ပါရေ။

စစ်တပ်က သြဂတ်(စ်) ၁၃ ရက်နိမှာ အလောင်း (၂၄) လောင်းကို ၁၄ ရက်နိမှာ စစ်တွေမြို့ကြေးနန်းယုန်းရှိမှာ ပွဲကြီးခင်းလို့ပြပါရေ။ ယင်းအလောင်းတိက်ို စစ်တွေမြို့ ကရာတေးနန့် သိုင်းအဖွဲ့က သင်းဂြိဟ်ဖို့တောင်းကေလည်း ခွင့်မပီးဘဲ စစ်တွေမြို့သင်္ချိုင်းနား သရက်တောဘုန်းကြီးကျောင်းနားက ကွင်းပြင်ထဲမှာ မြုတ်ပစ်လိုက်ကတ်ပါရေ။

NN ။ ဆန်ရဟိရေးအတွက် ရခိုင်သားတိ ဆန္ဒပြစွာ ဇာကဇာပိုင် စလာပါရေလဲ။

ချမ်း။ ။ ရခိုင်ပြည် ဆန်ပြဿနာက သြဂတ်(စ်) လ ၁၂ ရက်နိကပင် စဖြစ်စွာပါ။ ပထမ စစွာက သြဂတ်(စ်) ၁၂ ရက်နိ ညဇာ ၃ ချက်တီးလောက်မှာပါ။ ယောက်ျားမိမ္မ (၁၀၀) ကျော်လောက် နိုင်ငံခြားဆန်တင်သင်္ဘောထက်ကိုတက်လို့ ဆန်လုကတ်ပါရေ။ ယင်းအချိန်မှာ ဆန်စက်ဝင်းထဲမှာ လုံခြုံရေးရဲသားတိက မဟန့်တားပါ။ တချို့ဆိုကေ ဆန်အိတ်တိကို သင်္ဘောဝမ်းခေါင်းထဲက မနိုင်မနင်းထမ်းလာလို့ ရီထဲကို လူးကျလားစွာတိလည်းဟိပါရေ။ ညဇာသား ၅ ချက်တီးလောက်မှာ ဆန်လုပွဲပြီးပါရေ။ ထူးခြားစွာက ယင်းအချိန်မှာ အာဏာပိုင်တိက အဟန့်အတားမလုပ်ပါသိမ့်။

ယင်းနိ ညဇာသား ၇ ချက်တီးလောက်မှာ လမ်းမတော်တောင်ရပ်ကွက်က ကျောင်းဆရာမနီအိမ်တအိမ်မှာ လူငယ် (၃၀) ကျော်လောက်စုလို့ ယင်းအိမ်ကတဆင့် လမ်းမကြီးအတိုင်း (ဆန်ပြဿနာဖြေယှင်းပီး၊ အရေးတော်ပုံအောင်ရမည်) ဟု ကြွေးကြော် ချီတက်လာပါရေ။ ရူပရပ်ကွက်လမ်းဆုံ မြူနီစီပါယ်ဥက္ကဌ ဦးမောင်ကျော်ဦးအိမ်ရှိရောက်အခါ ဆန္ဒပြသူ (၂၀၀) လောက်ဖြစ်လားပါရေ။ ဦးမောင်ကျော်ဦးအိမ်ကို ကျောက်ခဲနန့်ပစ်ကတ်ပါရေ။ အကြောင်းက မြူနီစီပါယ်ဥက္ကဌဦးမောင်ကျော်ဦးက မြန်မာအစိုးရနန့် အထက်အာဏာပိုင်တိကို (စစ်တွေမှာ လူတယောက်ကို တနိ ဆန်တဗူးနှုန်း ပြုတ်ဆန်နှင့်ဆန်ခွဲပီးကေရရေ) လို့ ပြောလို့ဖြစ်ပါရေ။

ပြီးကေ ဗိုလ်မှူးစောဖြူ စစ်ကား (၂) စီး လက်နက်အပြည့်နန့်ရောက်လာပါရေ။ အိုးတန်းနန့် ရူပရွာခွဆုံမှာ ဆန္ဒပြလူငယ်တိကို လာဝိုင်းပါရေ။ ဗိုလ်မှူးစောဖြူက ဆန္ဒပြ လူငယ်ခေါင်းဆောင်တိကို (ဆန်ပြဿနာကို ငါဖြေယှင်းပီးမည်) လို့ ကတိပီးပါရေ။ ဆန္ဒပြသူတိကိုလည်း လူစုခွဲပြီး အိမ်ပြန်ဖို့ပြောပါရေ။ ယင်းအချိန်က ညဥ့် (၁၀) ချက်တီးလောက် ဟိပါယာ။

နောက်နိ သြဂတ်(စ်) ၁၃ ရောက်ခါ ကျွန်တော်ရို့ ပြည်လုံးချမ်းသာဘုရားကြီးမှာ စုပါရေ။ လမ်းမတော်က လူငယ်အဖွဲ့တခုက ခြုပ်ပြီးသားပိတ်စ အစိမ်းရောင် အလျား ၈ တောင် အနံ ၃ တောင် ဆိုင်းဘုတ်တခု ယူလာပါရေ။ ယင်းဆိုင်းဘုတ်မှာ (ဆန်ပြဿနာဖြေယှင်းပီး၊ အရေးတော်ပုံအောင်ရမည်) လို့ ရွီးထားပါရေ။

ကျနော်ရို့လူစု ဆိုင်းဘုတ်ကို ရှိဆုံးမှာတင်လို့ စစ်တွေဘုရားကြီး ဒိုးဝန်းရွာရပ်ကွက် ဆန်စက်ရုံ သင်္ဘောဆိပ်လမ်းအတိုင်း (ဆန်ပြဿနာဖြေယှင်းပီး၊ ပြုတ်ဆန်မစား ရခိုင်သား၊ ဆန်ခွဲမစား ရခိုင်သား)၊ ကြွေးကြော်ပြီး လမ်းမကြီးအတိုင်း ချီတက်လားပါရေ။ ယင်းနိ ဥပုသ်နိဖြစ်လို့ ဥပုသ်သည်တိလည်း ရှိဆုံးကပါပါရေ။

ကျွန်တော်ရို့ မြို့မအမှတ် (၁) ရဲစခန်းရှိရောက်တေအခါ စခန်းကရဲသားတိ သူရို့ဌာနပတ်ပတ်လည် လုံခြုံရေးချထားပါရေ။ သူရို့ တခုလည်း အနှောက်အယှက်မပီးပါ။ ယင်းကတဆင့် ဆန္ဒပြလူအုပ်ကြီးစွာ ဦးဥတ္တမပန်းခြံ၊ ထိုကတဆင့် လှခိုင်ဆရာတော်ဘုန်းကြီးကျောင်းခွဆုံ၊ ယင်းကပြန်လှည့်လို့ စစ်တွေမြို့ထောင်ရှိကဖြတ်ပျာယ် ပလုတ်တောင်ခွဆုံကို ချီတက်ပါရေ။ ပလုတ်တောင်ခွဆုံမှာ ပြည်သူတိဘားက အလှူရီကိုသောက်လို့ ရှိဆက်ချီတက်ပါရေ။ တမြို့သားလုံးပူးပေါင်းလာလို့ ဆန္ဒပြသူလူတန်း တဖြည်းဖြည်းများလာပါရေ။ အစအဆုံး မမြင်လိုက်ရပါဗျာယ်။ ခန်းမှန်းခြေပြောရဖို့ဆိုကေ လူပေါင်းအနည်းဆုံး (၃၀၀၀၀) သုံးသောင်လောက်ဟိပါဖို့။

ဆန္ဒပြလူအုပ် လီယာဉ်ကွင်းရှိကိုဖြတ်လျောက်ပြီး စစ်တွေမြို့မီးစက်ကြီးခွဆုံက မူဆလင်အများစုနီထိုင်ရေ နာဇီရွာလမ်းအတိုင်းဖြတ်လာခါ မူဆလင်ဘာသာဝင်တိလည်း ဆန္ဒပြသူတိနန့် ပူးပေါင်းပါဝင်လာပါရေ။ လူအုပ်ကကောင်းကြီးလားပါရေ။ ကသဲရွာခွဆုံကနီ ကုန်တန်းရပ်ကွက် မြဆန်စက်ရှိကိုရောက်တေခါ စစ်တပ်က လမ်းထက်မှာ သံဆူးကြိုးချကာထားပြီးကေ နီရာယူထားပါရေ။

စစ်တပ်က ရှိကိုဆက်မလားဖို့တားပါရေ။ သနတ်နန့်ချိန်ထားလို့ ဆန္ဒပြသူတိနန့် မြန်မာစစ်တပ်အကြား အနီအထားဆိုးလာပါရေ။ နောက် အမိန့်ပီးသံထွက်လာပြီး နေ၀င်းစတန်း၊ ကာပိုင်မောင်းပြန်သနတ်တိနန့် မိုးရီသရီပစ်ပါရေ။ နောက်ဆုံး သီလူသီပျောက်လူပျောက် ဆန္ဒပြလူအုပ်ကြီးပြိုကျပါရေ။

NN ။ ။ အေနိမှာ ရခိုင်သားတိကို ဇာဇာပြောချင်ပါသိမ့်ရေလဲ။

ချမ်း။ ။ သြဂတ်(စ်) ၁၃ ရက်နိရောက်တိုင်း မြန်မာစစ်တပ်ဘားမှာ မထင်းငတ်လို့ အပစ်သတ်ခံလားရရေ ရခိုင်သားတိကို မမိကတ်ဖို့ ပြောချင်ပါရေ။

(ရခိုင်သားများ ရခိုင်စကားပြောခြင်းဖြင့် ဂုဏ်ယူပါ။ ရခိုင်စကားတည်တံ့မှ ရခိုင်သားလည်း တည်တံ့မည်။ စကားပျောက်က လူမျိုးပျောက်သည်။)