Friday, April 19, 2013
CNPC ကုမ္မဏီအား ဒေသခံ ၈၀၀ ခန့်ဆန္ဒပြ၊ အနည်းဆုံးလူ ၁၁ ဦးကို အရေးယူရန်ပြင်ဆင်
Posted on 4:52 PM by tun tun
တောင်းဆိုချက်များ မရမချင်း တရုတ် CNPC ကုမ္ပဏီအား မဒေးကျွန်းသားများက ဆက်လက်ဆန္ဒပြသွားမည် ဖြစ်ကြောင်း မဒေးကျွန်း ဒေသဖွံ့ဖြိုးရေး ကော်မတီမှ တာဝန်ရှိသူများက ဆိုသည်။CNPC ကုမ္ပဏီ၏ လုပ်ဆောင်ချက်များကို မနှစ်သက်သောကြောင့် မဒေးကျွန်းဒေသခံများ ကန့်ကွက်ဆန္ဒပြ၍ မိမိလိုချင်သော အချက်များကို တောင်းဆိုနေကြစဉ်။CNPC ကုမ္ပဏီ၏ လုပ်ဆောင်ချက်များကို မနှစ်သက်သောကြောင့် မဒေးကျွန်းဒေသခံများ ကန့်ကွက်ဆန္ဒပြ၍ မိမိလိုချင်သော အချက်များကို တောင်းဆိုနေကြစဉ်။
ဧပြီ ၁၈ ရက်နေ့ မွန်းလွဲ ၁း၄၅ မှ ညနေ ၃း၃၀ ထိ မဒေးကျွန်း၌ ရုံးစိုက်လျက်ရှိသော တရုတ်နိုင်ငံ CNPC (China National Petroleum Corporation) ကုမ္ပဏီအား ဒေသခံရွာသား ၈၀၀ ခန့်က စီတန်းလမ်းလျှောက် ဆန္ဒပြအပြီးတွင် ယင်းသို့ပြောဆိုလိုက်ခြင်း ဖြစ်သည်။
" ကျနော်တို့ ဒေသဖွံ့ဖြိုးရေးကော်မတီက ဆန္ဒပြတာမဟုတ်ပေမယ့် ဆန္ဒပြရွာသားတွေ သူတို့သွားနေတဲ့ လမ်းကြောင်းပေါ်မှာ မှန်မှန်ကန်ကန်နဲ့ စနစ်တကျဖြစ်စေရေးအတွက် ကူညီဆောင်ရွက်ပေးနေတာ ဖြစ်တယ်။ အခု ရွာသားတွေအနေနဲ့ သူတို့ ရသင့်ရထိုက်တဲ့ အခွင့်အရေးအတွက် မရမချင်းဆက်လက် တိုက်ပွဲ ၀င်သွားဖို့ ရှိနေပါတယ်။ " ဟု ဒေသ ကော်မတီ ဥက္ကဋ္ဌ ဦးထွန်းကြည်က အာရ်ကန်တိုင်းမ်စ်ကို ပြောသည်။
ဒေသဖွံ့ဖြိုးရေး အပါအ၀င်တောင်းဆိုချက် ၉ ချက်ရရှိရေးအတွက် ယမန်နှစ် ဒီဇင်ဘာ ၁၄ ရက်နှင့် ယခုနှစ် မတ်လ ၂၉ ရက်နေ့တို့တွင် ကျောက်ဖြူမြို့နယ်သို့ ဆန္ဒပြခွင့်တင်ပြခဲ့သည်ကို မြို့နယ်က ပယ်ချခဲ့ပြီးနောက်၊ ဧပြီ ၅ ရက်နေ့က ပြည်နယ်၌ အယူခံရာတွင်လည်း ထပ်မံပယ်ချခံခဲ့ရရာမှ ယခုကဲ့သို့ ဆန္ဒပြမှု ပေါ်ပေါက်လာရခြင်း ဖြစ်သည်။
ဧပြီ ၁၈ ဆန္ဒပြပွဲနှင့် ပတ်သက်၍ ၄င်းက " ရွာသားတွေဟာ ပြိန်ရွာဘုန်းကြီးကျောင်းမှာ နေ့လည် ၁၂ နာရီမှာ ဆွေးနွေးပြီးတော့ ကျောင်းက ၁ နာရီ ၄၅ မှာစထွက်တယ်။ စထွက်ချိန်မှာ လူ ၅၀၀ ၀န်းကျင်ပဲရှိတယ်။ နောက်ပိုင်း ၈၀၀ လောက်ဖြစ်သွားတယ်။ သူတို့က " CNPC အလိုမရှိ၊ တရုတ်တွေ ကောင်းစားဖို့ ကျနော်တို့ဒေသ လယ်၊ မြေတွေကိုမပေးနိုင် " ဆိုပြီးတော့ ကြွေးကြော်ပြီးတော့ CNPC ရုံးကိုချီတက်ခဲ့ကြတယ်။ ညနေ ၃ နာရီနီးပါးမှာ တရုတ် ကုမ္ပဏီရုံးရှေ့ကို ရောက်တယ်။ ရုံးရှေ့မှာ နာရီဝက်ကျော်ကျော် ဆန္ဒပြ တောင်းဆိုကြပြီးတော့ ညနေ ၃ နာရီခွဲလောက်မှာ ဆန္ဒပြမှုကို အဆုံးသတ်ခဲ့ကြတယ်။ " ဟု ဆိုသည်။
လုံခြုံရေးတပ်ဖွဲ့ဝင်များက CNPC ရုံးခြံဝင်းတံခါးကိုလုံခြုံစွာပ
ဧပြီ ၁၉ မနက်ပိုင်းက ကျောက်တန်းရွာသား မောင်မျိုးနိုင်၊ မောင်မောင်မြင့်၊ မောင်ယဉ်လှ ၃ ဦးတို့အား မဒေးရဲစခန်းမှ ခေါ်ယူလျက် ခွင့်ပြုချက်မဲ့ ဆန္ဒပြမှုနှင့်အရေးယူကာ အာမခံနှင့်ပြန်လွှတ်ပေးခဲ့ပြီး စုစုပေါင်း လူ ၁၁ ဦးကို သက်ဆိုင်ရာက အရေးယူသွားမည်ကြောင်း မဒေးကျွန်း ဒေသဖွံ့ဖြိုးရေးကော်မတီမှ သိရသည်။
အဆိုပါ ၁၁ ဦးတွင် ကျောက်တန်းရွာမှ ၃ ဦး၊ ပြိန်ရွာမှ ၃ ဦး၊ ရွာမမှ ၄ ဦးနှင့် ပန်းထိမ်ဆည်မှ ၁ ဦးတို့ ပါဝင် ကြောင်းသိရသည်။
CNPC က ဆန္ဒပြမှုကို တားဆီးရန်ကြိုးပမ်းချက် တစ်ရပ်အနေဖြင့် ခွင့်ပြုချက်မဲ့ ဆန္ဒမပြပါဟူသော ခံဝန်ချက်ကို အလုပ်သမားများအား လက်မှတ်ရေးထိုးစေခိုင်းခဲ့ရာ အချို့မှာ လက်မှတ်ထိုးရန်ငြင်းဆန်ကြသဖြင့်
ဆန္ဒပြ ခေါင်းဆောင်တစ်ဦးက မိမိတို့ မဒေးကျွန်းသားများ ခံစားနေရသော ဒုက္ခတွေကို ကမ္ဘာကြီးက သိရှိပြီးတော့ လူသားချင်း စာနာမှုကိုရလို၍ ယခုကဲ့သို့ ဆန္ဒဖော်ထုတ်ရခြင်းဖြစ်ပြီး၊ တောင်းဆိုချက် ၉ ချက်ကို လိုက်လျောမှု မရှိသေးသမျှ ဆက်ပြီးဆန္ဒဖော်ထုတ်ပွဲတွေ လုပ်သွားဆောင်သွားရန် အားလုံးက ဆုံးဖြတ်ထားကြောင်း ဆိုသည်။
မဒေးကျွန်းဒေသခံများ တောင်းဆိုချက်များတွင် သိမ်းဆည်းမြေများ လျော်ကြေးပေးရေး၊ ဒေသဆိပ်ကမ်းများမှ ရွာများသို့ ဆက်သွယ်ရေးလမ်းများ ဖောက်ပေးရေး၊ ဒေသခံများ အလုပ်အကိုင်ရရှိရေးနှင့် လုပ်အားခကို နိုင်ငံတကာစံနှုန်းအတိုင်း ပေးရေး၊ ကျေးရွာများ၌ လျှပ်စစ်မီးရရှိရေး၊ ရပ်ရွာလုံခြုံရေး၊ ဒေသတွင်း လွတ်လပ်စွာ ငါးဖမ်းခွင့် ရရှိရေး၊ နောက်ထပ် မြေသိမ်းမှုများ လုံးဝမပြုလုပ်ရေး စသည်တို့ပါဝင်ကြောင်း သိရ သည်။
မဒေးကျွန်းမှာ ကျောက်ဖြူမြို့ အရှေ့ဘက် ၈ မိုင်အကွာတွင် ရှိ၍ကျွန်းပေါ်၌ ကျောက်တန်း၊ ပြိန်၊ ရွာမ၊ ပန်းထိမ်ဆည်ဟူသော ရွာ ၄ ရွာတည်ရှိကာ လူ ၃၀၀၀ ကျော်တို့ နေထိုင်သည့် ကျွှန်းတစ်ကျွန်းဖြစ်ပြီး၊ CNPC က ၂၀၀၉ ခုနှစ်က တည်းကပင် ကျောက်ဖြူ- ကူမင်း ရေနံနှင့် သဘာဝဓာတ်ငွေ့ ပိုက်လိုင်းသွယ်တန်းခြင်း စီမံကိန်းကြီးအား မဒေးကျွန်းပေါ်၌ ရုံးစိုက်လုပ်ကိုင်နေခြင်း ဖြစ်သည်။
http://arakantimes.net/
Subscribe to:
Post Comments (Atom)
No Response to "CNPC ကုမ္မဏီအား ဒေသခံ ၈၀၀ ခန့်ဆန္ဒပြ၊ အနည်းဆုံးလူ ၁၁ ဦးကို အရေးယူရန်ပြင်ဆင်"
Leave A Reply