..............................
..........................
"ဂျောင်း" ဇာတ်ကား၏ ဒါရိုက်တာ၊ သရုပ်ဆောင်နှင့် တာဝန်ရှိသူတို့အား ကျွနုုပ်တို့ ရခိုင်အမျိုးသားကွန် ရက်မှပြင်းထန်စွာ သတိပေးခြင်း။
ဂျောင်း - ဇာတ်ကား၏ ဇာတ်ဝင်ခန်း။
--------------------------------------
ကျေးရွာလေးတစ်ရွာမှာ မိသားစုတွေ အေးချမ်းစွာ နေကြသည်။ ရွာ၏စရိုက်က အလှူဆို
စုပေါင်းအလှူ - သာရေးနာရေး ဆိုးတိုင်ပင်ကောင်းတိုင်ပင်နှင့်ရွာဦးဘုန်းကြီးကျောင်းမှာ
ဆိုလျှင် ကာလသားတွေက စုပေါင်းပြီး ဆရာတော်၏ ဝေယျဝိစ္စ-ကျောင်းကိစ္စတွေကို
လုပ်ပေးကြသည်။ ရွာမှာ အပေါင်ခံ ငွေတိုးချေးစားသော ဦးယဉ်ကျေးတို့  မိသားစုက
ငွေကြေးချောင် လည်ကြသည်။ ………..ယနေ့ လည်း ဘုန်းကြီးကျောင်းသားတွေက
ဦးယဉ်ကျေးဆီမှာဆွမ်းအတွက် ရောက်ရှိပြီး စကားပြောနေသည်။ ဘုန်းကြီးကျောင်းသား
နှစ်ယောက်သည် ဦးယဉ်ကျေး၏ လူရိုးလူအ စိတ်ကို အခွင့်ကောင်းယူကာ
ဤသို့ပြောလိုက်သည် ။“ ဦးယဉ်ကျေး မိန်းမက ရခိုင်မဆိုတော့ ဘင်္ဂလီနဲ့
ဆော်နေပြီပေါ့- “ ဤစကားက ဘုန်းကြီးကျောင်းသားက ဦးယဉ်ကျေးအား အားမနာ
ပြောဆိုလိုက်သော စကားဖြစ်သည်။ စင်စစ်အားဖြင့် ဦးယဉ်ကျေး၏ မိန်းမသည်
ဘင်္ဂလီကုလားနှင့် နောက်မီးလင်းနေသည် ဆိုသော စကားကို
ပြောဆိုခြင်းဖြစ်သည်။သို့ဖြစ်ပါ၍
ကျွန်ုပ်တို့ အနေဖြင့် သုံးသပ်သည်မှာ အဆိုပါဇာတ်ကားသည်
မတော်တဆမှားယွင်းသည်ဖြစ်စေ၊ မသိနားမလည်၍ မှားယွင်းသည်ဖြစ်စေ
ဌာနေတိုင်းရင်းသား လူမျိုးတစ်မျိုး၏ ဂုဏ်သိက္ခာကိုသော်လည်းကောင်း၊
တိုင်းရင်းသား စည်းလုံးညီညွတ်မှုကို သော်လည်းကောင်း ထိခိုက်ပျက်ပြား စေသော
စကားလုံးနှင့် စကားရပ်များဖြစ်၍ အမြန်ဆုံးလူသိရှင်ကြား ဝန်ချတောင်းပန်မှုကို
ဇာတ်ကားနှင့် ပတ်သက်သော သက်ဆိုင်ရာ တာဝန်ရှိသူများမှ ပြုလုပ်ပေးကြပါရန်
ကျွန်ုပ်တို့မှ အလေးအနက် အသိပေးအပ်ပါသည်။မြန်မာနိုင်ငံ ရုပ်ရှင်အစည်းအရုံး
အနေဖြင့်လည်း သက်ဆိုင်ရာ တာဝန်ရှိသူများကို အမြန်ဆုံးခေါ်ယူ သတိပေးပါရန်
ကျွန်ုပ်တို့မှ အလေးအနက်တောင်းဆို အပ်ပါသည်။ ဟိုးယခင်ကလည်း
"နှလုံးသားမှာကြွက်ဝင်နေတယ်" ဇာတ်ကား၌ အလားတူဖြစ်ရပ်မျိုးဖြစ်၍
ကျွန်ုပ်တို့ ရခိုင်အမျိုးသား ကွန်ရက်အနေဖြင့် ရှပ်ရှင်အစည်းရုံးနှင့်
ပူးပေါင်း၍သက်ဆိုင်ရာ တာဝန်ရှိသူများအား ခေါ်ယူသတိပေးဝန်ချ တောင်းပန်မှုများ
ပြုလုပ်ခဲ့ပြီးဖြစ်ပါသည်။ ယခုတစ်ဖန် ထပ်မံ ဖြစ်ပွားလာသည်ကို
ထောက်ရှုခြင်းအားဖြင့် ခေါ်ယူသတိပေး ဝန်ချတောင်းပန်မှုမျိုး
လုပ်ရုံမျှဖြင့်မလုံလောက်တော့ဟု
ကျွန်ုပ်တို့ယုံကြည်ယူဆ ပေသည်။ သို့ဖြစ်ပါ၍ ခံဝန်ကတိနှင့်
နောက်နောင်ဖြစ်ပွားပါက ဥပဒေအရ မည်သို့မည်ပုံ အရေးယူဆောင်ရွက်မည်ကိုပါ
ထည့်သွင်းပေးပါရန် ကျွန်ုပ်တို့အနေဖြင့် ထပ်မံအရေး
ဆိုအပ်ပါသည်။သက်ဆိုင်ရာလူကြီမင်းတို့
အနေဖြင့် ကျွန်ုပ်တို့၏ တောင်းဆိုမှုများအား အရေးယူဆောင်ရွက်ခြင်းမရှိပါက
နိုင်ငံရေးနည်းလမ်း အရသော်လည်းကောင်း၊ ဥပဒေကြောင်း အရသော်လည်းကောင်း
လှုပ်ရှားဆောင်ရွက်သွားမည် ဖြစ်ကြောင်း အသိပေးအပ်ပါသည်။
အားလုံးကိုလေးစားလျက်တင်ထူးအောင်ဥက္ကဌရခိုင်အမျိုးသားကွန်ရက်(ANN)
Arakan Time
No Response to "မြင့်မြတ် “ဂျောင်း” ဗွီဒီယို ဇာတ်ကား ANN သတိပေး."
Leave A Reply