xxxxxxxxxxxxxxxxxxxxxxxxxxxxxxxxxxxxxxxxxxxxx

မြောက်ဦးမြို့တော်ဟိ နန်းတော်ကုန်းကို မင်းစောမွန် တည်ဆောက်ခစွာမာ
မူလအနီနန့် ကုက္ကားတောင်နန့် တောင်ညိုတောင်နစ်ခုကို တူးဖြုညှီပနာ
တည်ဆောက်ခရေ ကျောက်ဆောင်ကျောက်သားမြီခံ မြီဖြစ်သည်။
နန်းကုန်းပတ်လည်စတုရန်းပုံသဏ္ဍန်ကို ကျောက်အုတ်တိနန့် တံတိုင်းပြပနာ
အမာခံပြုလို့ ကောဇာသကြစ်(၇၉၂)ခုတော်သလင်းလဆန်း(၁)ရက် တနင်္ဂနွီနိ့
ခရစ်သက္ကရာဇ်(၁၄၃၀)ခုနှစ်မာ မြောက်ဦးခေတ်ထီးနန်းကို စတင်တည်ထောင်သည်။

ပထမဆုံးမြောက်ဦးနန်းတော်ကို စောမွန်မင်းများလက်ထက်အုတ်တံတိုင်းတိနန့်ရာ
အခြီခံချပနာ တည်ဆောက်ခခြင်းဖြစ်သည်။ မြောက်ဦးဒုတိယခေတ် မင်းဗာဘုရင်
လက်ထက် ရောက်တေအခါမှ ကျောက်သားအမာခံတံတိုင်းတိနန့် ထပ်မံပြီး
ခိုင်ခံ့ကြီးကျယ်တည်ဆောက်ခသည်။

နန်းတော်ကုန်းမာအဆင့်သုံးဆင့်ဖြစ်သည်။ ထိပ်ဆုံးအမြင့်ကပင် အောက်ဆုံးအဆင့်ထိ
ပေပေါင်း(၅၀)မြင့်သည်။ တတိယအဆင့်ဧ့ တောင်ဘက်သို့ပေပေါင်း(၁၆၀၆) ပေဟိသည်။
အရှိဘက်မှအနောက်ဘက်သို့ ပေပေါင်း(၁၇၄၀)ပေဟိသည်။ တံတိုင်းများအောက်ခြီမာ
ကျောက်သား(၇)ပေထုထည်ဟိသည်။ တံတိုင်းတိဧ့ အထက်ပိုင်းထုထည်မာ(၄)ပေဟိသည်။
ပထမနန့် ဒုတိယတံတိုင်းအကွာအဝီးမာ ပေပေါင်း(၂၃၇)ပေရှည်လျှားသည်။ အထက်ဆုံးအထပ်
နန်းရင်ပြင်ဧ့ အကျယ်အ၀န်းမာ (၆၅၆)ပေကျယ်ဝန်းသည်။ အရှိဘက်အဆင့်တန်းခါးမှ
ဒုတိယအဆင့်တန်းခါးသို့ ပေပေါင်း(၂၃၃)ပေဟိသည်။ ယင်းကတစ်ဆင့် တတိယအဆင့်တန်းခါးသို့
(၁၆၆)ပေ ဟိသည်။ အထက်ဆုံးအထပ်နန်းရင်ပြင်ဧ့ မြောက်မှတောင်ဘက်သို့
အလျားပေပေါင်း(၆၇၉) ပေကျယ်ဝန်းလေသည်။ တောင်ဘက်တတိယအဆင့်မှ ဒုတိယအဆင့်သို့
ပေပေါင်း(၁၃၈)ပေဟိသည်။ ယင်းကနီ ပထမတန်းခါးအထိပေပေါင်း(၄၅၀)အကွာအဝီးဟိသည်။
တန်းခါးတိဧ့ဝင်ပေါက်မာ (၁၀)ပေစီကျယ်ဝန်းသည်။ တံခါးတစ်ဘက်တစ်ချက်စီဧ့
တံခါးဘောင်တိမာ(၈)ပေစီရှိသို့ ထိုးထွက်လျက်ဟိသည်။ တံတိုင်းများဧ့ထုထည်
အထူမှာ(၇)ပေ (၆)ပေဟိပြီး (၁၂)ပေစီမြင့်သည်။ တန်းခါးများဧ့ အထဲဘက်ထရံများမာ
မြီနန့်တစ်ပေခန့်အကွာဟိ (၈)ပေအမြင့်ကျောက်တုံးကြီးမာ (၅)လက်မဟိသော
အပေါက်တစ်ပေါက်စီကို ထွင်းလုပ်ပြုပြင်တပ်ဆင်ထားသည်။ ယင်းတန်းခါးတိကို
ပိတ်နိုင်ဖို့အတွက် အရှင်တန်းခါးတပ်ဆင်ထားခြင်းဖြစ်သည်။
နန်းတော်ဧ့ အနောက်ဘက်ဒုတိယနန့် တတိယတံတိုင်းအကြားတွင်ကျုံးများဟိသည်။
အရှိတောင်ဘက်မာ ဗဟိုရ်စည်တော်ထားဟိရေ စည်တော်ကိုအချိန်မှန်တီးရေ
(ယွန်းတောင်)ခေါ် (ရွန်းတောင်) တည်ရှိသည်။ တောင်ဘက်မာ (၀ယိုင်သာ)ခေါ်
(ဥယျာဉ်တော်)ထားဟိသည်။ (အဂုအခါအထက်တန်းကျောင်း ဘောလုံးကွင်းနေရာဖြစ်သည်)
နန်းတော်ဧ့ အရှိဖက်ဒုတိယအဆင့်မာ နန်းသူနန်းသားရို့သောက်သုံးကတ်တေ
သောက်ရီကန်(နန်းသားကန်)တည်ဟိသည်။ အဂုအခါ ယင်းကန်ကို (နံသာကန်) ဟုခေါ်ကတ်သည်၊၊ အဂုနန်းတော်ကုန်းဧ့ အရှိ့ဖက်ဆင်းလမ်း (နန်းကျောက်လှေကား) အဂုပြည်သူဆီးရုံကြီးရှိ၊လှီကားနန့်အနောက်ဘက်ဟိနန်ကုန်ုးအဆင်း(လှီကား)တိမာ
ဗြိတိသျှအင်္ဂလိပ်တိ စိုးစံခဲ့စဉ်ကာလမြောက်ဦးနန်းရာကုန်းကို ဖောက်ပီးကေ အရှိနန့်အနောက် တောက်လျှောက်ပိုင်းပီး လမ်းလုပ်ဖို့စီစဉ်ခသည်၊၊ တစ်မြို့လုံးကကန့်ကွက်ဆန္ဒကတ်လို့ လမ်းမဖောက်ပဲတန့်ပနာ ယခင်မင်းဆင်းလှီကားကိုပတ်လို့ အရှိနန့်အနောက် တစ်ဖြောင့်တည်းကျောက်လှီကား (၂)ခုကို တပ်ဆင်ထားခဲ့ခြင်းဖြစ်သည်။
ရခိုင်မင်းများလက်ထက် နန်းတော်ကုန်းသို့အဆင်းအတက်ကျောက်လှီကားအစစ်မှန်နီရာတိက
အနောက်ဘက်မာ (ယခုပါတီယူနစ်ဟောင်းရှိ) ကျောက်လှေကားဆင်းလမ်းတစ်ခု
ရှေ့ဘက်သို့တစ်ဖြောင့်တည်း နန်းသားကန်တော်ဘက်သို့ ဆင်းလမ်းကျောက်လှီကားတစ်ခုဖြစ်သည်။ ရှိမင်းများသည် ဤနန်းတော်ကုန်းသို့ အရပ်လေးမျက်နာဆင်းတက်နိုင်ကြစီရန်အရပ်လေးမျက်နာမာ ရှေးကျောက်လှီကား
တံခါးပေါက်(၄)ခုကို တွိမြင်ရသည်။ သို့ဖြစ်ပါ၍ရခိုင်မြို့တည်ဗိသုကာကျမ်းမာ ဖေါ်ပြထားသည်။

(ခုနစ်ရာကိုးဆယ်၊ စွန်းဝယ်နစ်ဟေ်
လတော်သလင်း၊လျှံဝင်းထွန်းညီ၊
ထွက်ပြီး နေထက်၊ဆန်းတစ်ရက်၌
မြောက်ဦးမြို့သာ၊တည်ခြင်းရာကား
တောင်ညိုကုက္ကား၊နစ်ပါးတူညီ
ဘုမ္မိနက်သန်၊မြေကြန့်သင့်ရာ
ယင်းသည်မှာလည်း၊ အကာအင်းသီး
ထားတုံပြီးမှ၊ တည်ထွေမြိုနန်း
ကန်စန်းကန်လဂ်၊တထောက်ဘက်ကို
မပျက်ထိုရော်၊ဆက်တက်သော်ကား
အရာထောင်သောင်း၊ကျိန်းခန်းအောင်း၏ ၊၊) ဟုပါဟိသည်။

ဤမြောက်ဦးမြို့နန်းတော်ကုန်းကို တံတိုင်းသုံးတန် ၀ိုင်းရံပနာ ထိုတံတိုင်းတိ
အကြားမာ ကျုံတော်များထားဟိသည်၊၊ မြို့တံတိုင်းတိ အထက်မာလေ့
မြင်းစီးသူရဲဗိုလ်ပါရို့ စီးနင်းလားလာနိုင်အောင်စီမံပြုလုပ်ထားသည်၊၊
မြို့ကျောက်တံခါးများတိကိုလေ ခိုင်လုံစွာနန့်ခမ်နားကြိးကျယ်စွာတည်ဆောက်
စီမံထားခသည်။ ယင်းကြောင့် မြောက်ဦးမြို့တော်ကြီးသည် ယင်းချိန်ကအိမ်ခြီပေါင်းများစွာနန်
(ကြက်ပျံမကျ) စည်ကားခသည်။ သို့ဖြစ်ပါ၍ ခရစ်အေဒီ(၁၅)ရာစု(၁၆)ရာစုထိ ကာလအထဲမာ
အလွန်ချမ်းသာကြွယ်ဝသောကမ္ဘာအဆင့်မီသမိုင်းတင်ထင်ရှားသော( The City Of Moruk Oo)
မြို့တစ်မြို့သာဖြစ်ပေသတည်း၊၊