န်း၊ အမှတ်(၃)၊ စာ(၈၀)ပါ စာမူ ဖြစ်ပါရေ။)

သမိုင်းလူဦးရွီနန့်စာကေ ဧဂုရခိုင်လူဦးရွီက ကောင်းနည်းလာခပါယာ။ ယင်းအနည်းမာတစ်ခါ ဗမာစကားလောင်းရိပ်မိနီသိ့ယင့်။ ယင်းလူတိက ကိုယ့်ကိုယ်ကို မျုိးချစ်ရခိုင်လတ်။ ပြောချင်စွာကို ပြော လို့ရရေ စိတ်ရာအဓိကဆိုပနာ နောက်တစ်ဆင့်တက်လာကတ်ပြန်ပါရေ။ စိတ်သတ်သတ်ဧ့ လှုပ်ယှားမှု နန့် ပစ်မှတ်ဟူသရွိကို မရောက်နှိုင်ပါ။ လိုချင်ရေအရာတစ်ခုကို စိတ်ကဦးဆောင်နှိုင်ကေလေ့ ခန္ဓာ ကိုယ်အစိတ်အပိုင်း တစ်ခုခုနန့်မတွဲဘဲ ပစ်မှတ်ကို မရောက်နှိုင်ပါ။ ဆိုလိုချက်က အပြောနန့်မပြီး လက် တွိလုပ်မှ ဗြီးမြောက်ပါဖို့။ အဆွီစွာ ရခိုင်စကားမပြောဘဲ ရခိုင်စကားနန့် ရခိုင်သမိုင်းတစ်စွန်းတစ်စကို လူတစ်ယောက်ဖြစ်လို့ မျိုးချစ်ရခိုင်ဆိုပနာ ကိုယ့်ကိုယ်ခံယူထားကေလေ့ ဟုတ်ယင့်။ မြိုသွီးရေ ဓားပိုင် တစ်ဖက်တော့ခါ ပြတ်တေ၊ နောက်တစ်ဖက်ကား အတုံး၊ ဘက်စုံမဟုတ်။ ဇာနန့်တူလေဆိုကေ ကဏန့်ပိုင်။ စောင်းသတ်လားရေ။

မိမိဧ့သားသမီး အညွန့်လောင်းရို့ရေ မိဘပြောရေစကားကိုရာ လိုက်ပြောပါဖို့။ မိဘက ဗမာ စကားပြောကေ သားသမီးလေ့ ယင်းစကားကို ပြောဖို့နန့်ရာ။ မိဘက အင်္ဂလိပ်စကားပြောကေ သား သမီးလေ့ အင်္ဂလိပ်စကားရာ ပြောကတ်ဖို့ယေ။ တစ်ခါကတတ်ကျွမ်းပြောဆိုခရေ ရခိုင်စကားကို မိဘ ရို့ကိုယ်တိုင် မပြောယာ၊ မပြောတတ်ယာဆိုကေ သားသမီးတိက ပိုလို့ မတတ်ယာ၊ မပြောယာ။ မိဘ ရို့လောင်းရိပ်မိရေ ဘာသာစကားကိုရာ အဆက်ဆက်ပြောဆိုလားကတ်ဖို့ ဟိယာ။ တစ်ဖက်ဘာသာ စကားကို ထိန်းသိမ်းရာလေ့ ရောက်လားပြီးယာ။ ယင်းပိုင်အဆက်ဆက်ဖြစ်လားကေ ပထမအမိအဘ ဆင်းသက်လာရေ ရခိုင်ဆိုရေ ဝိသေသလက္ခဏာတိစွာ ကြက်ပျောက်ငှက်ပျောက် ပျောက်လားလီပါ ဖို့။ နောင်တစ်ချိန်မာ အစအနလိုက်ရှာမရယောင် ဖြစ်လားနှိုင်ပါရေ။ မပျောက်ပျက်ကောင်းပါကား။ ကိုယ်တိုင်သိထားရေ ရခိုင်စကားနန့် စာပီတိကို မပျောက်ပျက်ယောင် ထိန်းသိမ်းကတ်ပါလို့ မျိုးချစ် အချင်းချင်း တိုက်တွန်းပါရစီချက်။ ကရဲ့လိုရေ စကားတိမဟုတ်ပါ။ အကျွန့်အကြံပြုချက်ကို အိပ်ရာဝင် ရေခါ နဖူးမာလက်ချေတင်ပနာ စဉ်းစားပါ။ ဆင်ခြင်ပါ။ ဆုံးဖြတ်ပါ။

ရိုးတောင်ကြီးက အန္တရာယ်အသွယ်သွယ်ကို ကာဆီးထားခကေလေ့ အန္တရာယ်တိ ဒရဟောဝင် လတ်ပါရေ။ ဦးနေဝင်းအုပ်ချုပ်တေ နှစ်အလယ်ပိုင်းလောက်မာ ရခိုင်မူလတန်းကျောင်းတိဒို့ ညွှန်ကြား စာတစ်စောင်ကျပါရေ။ ကျောင်းဝိုင်းအတွင်းမာ ဗမာစကားပြောကတ်ရမေလတ်။ ရခိုင်ဘာသာစကား နန့်စာပီကို အမြစ်ဖြုတ်ဖို့စရေ စီမံကိန်း။ ယင်းစီမံကိန်းကို စစ်တွေခရိုင်၊ ကျောက်ဖြူခရိုင်ရို့မာ အထမ မြောက်ခပါ။ သံတွဲခရိုင်မာရာ ဆယ်စုနှစ်တစ်ခုရောပနာ ဗမာစကားနန့် ပြောလှာကတ်တေအတွက် ဂနိ့ထိ ဗမာလောင်းရိပ်မိနီခြင်း ဖြစ်ပါရေ။ လောင်းရိပ်မကျခင် မန်အောင်ကျွန်းဒေသတိမာ ပါဠိ (အနေ- က အန္တရာယာပိ-တစ်ပါးမက များစွာသော အန္တရာယ်)က ဆင်းသက်လှာရေ အနေက(အများကြီး) ဆို ရေစကားကို ပြောဆိုဖူးခပါရေ။ ပင်လယ်ကို ပင်းလယ်အဖြစ်လည်းကောင်း၊ စစ်တွေမြို့တစ်ဖက်ကမ်း လက်ပံပြားရွာမာ ရီခပ်တေ ဗာရတီကို သံပဒုံအဖြစ်လည်းကောင်း၊ ကျောက်တော်မြို့တစ်ဖက်ကမ်း လမ်းမတော်(ဘာမိ)ရွာမာ အသီးတိ အများကြီးသီးစွာကို အော်တော်သီးရေလို့ လည်းကောင်း ဗမာ စကားနန့်မရောစပ်တေ ရခိုင်စကားအစင်တိကိုရာ ပြောဆိုခကတ်ပါရေ။ ပြောလိုချင်စွာက ကိုယ့်အမျိုး အစဉ်တိကို သတ်ဖြတ်ရက်စက်နီရေ လူမျိုးစုတိဧ့ စကားနန့်အဝတ်ဆိုးတိကို ထိန်းသိမ်းမထားသင့် ကြောင်း ဆိုလိုချက်ပါ။ သူရို့နန့်ဆက်ဆံရရေအခါ သူရို့စကားကို မပီကလာပြောဖြစ်ကတ်ပြီးကေ ကိုယ့်အချင်းချင်းတွိကတ်တေအခါ ကိုယ့်စကားကို ဗမာစကားနန့် မရောယောင် ပြောစီချင်ရေ ဆန္ဒပါ။

မလေးယှားမာ နိုင်ငံခြားသားတိစွာ မလေးလူမျိုးနန့်တွိရေအခါ မလေးစကားကို ပီသယောင် ပြောတတ်ဖို့စွာထက် သဘောပေါက်ယောင် ပြောတတ်ဖို့က ပထမအရီးကြီးချက် ဖြစ်ပါရေ။ နိုင်ငံသား မဟုတ်လို့ မပီဆိုစွာ သူရို့နားလည်ပြီးသားပါရာ။ မြန်မာနိုင်ငံမာ တခြားကဝင်ရောက်လှာရေ တရုတ် တိ၊ ဘင်္ဂလားတိစွာ ကိုယ့်ရို့အချင်းချင်းတွိရေခါ ကိုယ့်ရို့စကားကိုရာ ပြောဖြစ်ကတ်ပါရေ။ မလေးယှား နိုင်ငံမာ မှီခိုနီထိုင်ရေ အိန္ဒိယနန့် တရုတ်လူမျိုးတိလေ့ ကိုယ့်ရို့အချင်းချင်းတွိရေခါ ကိုယ့်ရို့စကားကိုရာ ပြောကတ်ပါရေ။ ယင်းဟင့်သည်ပင် ကိုယ့်လူမျိုးမပျောက်ပျက်ယောင် ထိန်းသိမ်းစွာ ဖြစ်ပါရေ။ ရခိုင် တစ်ယောက်ရေ ကိုယ့်လူမျိုးစကားမဟုတ်တေ စကားတစ်ခုကို မှန်းမရယောင် ပီပီသသပြောနှိုင်ကေ လေ့ အကြောင်းအရာတစ်ခုနန့် ပတ်သက်ပြီးကေ ရခိုင်မှန်းသိလားရေခါ အယင်ခင်မင်နီရေ လူမျိုးခြား စွာ ယင်းရခိုင်သားအပေါ် ခင်မင်မှုထက်ဝက်လောက် လျှော့ကျလားကြောင်း ပါးစက မပြောကေလေ့ အမူအရာကို ကြည့်ပနာ သိနှိုင်ပါရေ။ နွားကွဲကေ ကျားဆွဲမခံရယောင် ကိုယ့်လူမျိုးနန့်တွိရေအခါ ကိုယ့် စကားပြောပနာ သိုက်သိုက်ဝန်းဝန်း နီထိုင်တတ်ဖို့ လိုပါရေ။

ထွန်းနိုင်(သရီချောင်း)

အရာတစ်ခေါက် ဆက်ပါဖို့သိ့။