Thursday, April 11, 2013
ရက္ခိုင့်တပ်မတော် (၄)နှစ်မြောက် တပ်မတော်နေ့ အခမ်းအနား အောင်မြင်စွာ ကျင်းပပြီးစီး
Posted on 5:41 PM by tun tun
၂၀၁၃ ခုနှစ်၊ ဧပြီလ (၁၀)ရက်နေ့တွင် ကျရောက်သော
ရက္ခိုင့်တပ်မတော် (၄)နှစ်မြောက် တပ်မတော်နေ့ အခမ်းအနားကို
ရက္ခိုင့်တပ်မတော်၊ ဗဟိုဌာနချုပ်၊ ယာယီအခြေစိုက်ရာ မဟာမိတ်နယ်မြေတစ်နေရာ၌
အောင်မြင်စွာဖြင့် ကျင်းပပြီးစီးသွားခဲ့ကြောင်း ရက္ခိုင်တပ်မတော်
စစ်ရုံးချုပ်၏ ပေးပို့သော သတင်းတွင် ဖေါ်ပြသည်။
အခမ်းအနားသို့ ရက္ခိုင့်တပ်မတော် စစ်ဦးစီးချုပ်၊
ဒုတိယစစ်ဦးစီးချုပ်၊ စစ်ဦးစီးအရာရှိကြီးများ၊ ရှေ့တန်းစစ်စခန်းများ မှ
စစ်ကြောင်းမှူးများ၊ စစ်ဒေသအသီးသီးမှ ကိုယ်စားလှယ်များနှင့် စစ်သည်
စစ်မယ်များ၊ မဟာမိတ်အဖွဲ့အစည်းအသီးသီးမှ ထိပ်ပိုင်းခေါင်းဆောင်ကြီးများ၊
အထူးဖိတ်ကြားထားသော ဧည့်သည်တော်များနှင့် သတင်းဌာနများမှ သတင်းထောက်များ
တက်ရောက်ခဲ့ကြကြောင်း သိရှိရသည်။
အခမ်းအနားကို အစီအစဉ် ပထမပိုင်းနှင့် ဒုတိယပိုင်းဟူ၍ နှစ်ပိုင်းခွဲကာ ကျင်းပပြုလုပ်ခဲ့သည်ဟုဆိုသည်။
နံနက်(၆)နာရီတွင် အခမ်းအနားအစီအစဉ် ပထမပိုင်းကိုကျင်းပရာ
ပထမဦးစွာ စစ်ရေးပြကွင်းအတွင်းသို့ စစ်ကြောင်းကြီးများ ချီတက်နေရာယူကြသည်။
ယင်းနောက် စစ်ဦးစီးချုပ် ရောက်ရှိလာပြီး စစ်ကြောင်းကြီးများ၏
အလေးပြုခြင်းကို ခံယူသည်။ ဆက်လက်၍ ရက္ခိုင့်တပ်မတော်မှ
နိူင်ငံနှင့်လူမျိုးအတွက် ခံယူအပ်သော သစ္စာအဓိဋ္ဌာန် (၅)ချက်ကို ရွတ်ဆိုကြသည်။
စစ်ဦးစီးချုပ်က တပ်မတော်နေ့မိန့်ခွန်းကို
ပြောကြားရာတွင် “မိမိတို့ ရက္ခိုင့်တပ်မတော်ဟာ ရဲရင့်တဲ့ အာဇာနည်
သူရဲကောင်းတွေရဲ့ အသွေးအသား၊ တိုက်ပွဲဝင်ရဲဘော်တွေရဲ့ သွေး၊ ချွေး၊
မျက်ရည်၊ တိုက်ပွဲ အတွေ့အကြုံတွေ၊ သံမဏိ စိတ်ဓာတ်နဲ့ ထုဆစ်ထားတဲ့
မျိုးချစ်ရဲဘော်တွေနဲ့ ဖွဲ့စည်းထားတယ်။ အဖရက္ခိုင်ပြည်အတွက် ဘယ်တော့အခါမှ
အလံမလဲတဲ့ တပ်မတော်ဖြစ်တယ်။ ဒီနေ့ ဒီအချိန်မှာ ရက္ခိုင့်တပ်မတော်ကို
ရက္ခိုင်လူ့အဖွဲ့အစည်းက ကောင်းကောင်းကြီး အားကိုးမျှော်လင့်
တောင့်တနေကြတယ်။ မိမိတို့အနေနဲ့ ကိုယ်စွမ်းဉာဏ်စွမ်းရှိသမျှ
အမျိုးသားရေးသတိ၊ တော်လှန်ရေးအသိ၊ နိူင်ငံရေး ပရိယာယ်တွေကို အခြေခံပြီးတော့
ပိုပြီးကြိုးစားဖို့လိုအပ်တယ်။ မိမိတို့ ရက္ခိုင့်တပ်မတော်အနေနဲ့
လက်တွေ့ကျတဲ့ အမျိုးသားရေးလမ်းစဉ်ချမှတ်ရေး၊ အမျိုးသားညီညွတ်ရေး
လုပ်ငန်းတာဝန်တွေကိုလည်း တစ်ပြိုင်နက်တည်းမှာ ကြိုးစား ဆောင်ရွက်နေတယ်။
ရက္ခိုင်အမျိုးသား အကျိုးစီးပွားအတွက် ဘယ်အဖွဲ့အစည်းနဲ့မဆို
လက်တွဲဆောင်ရွက်သွားဖို့ အသင့် ရှိတယ်။ မိတ်ဆွေကောင်းတွေကိုလည်း
မဟာဗျူဟာကျကျ တည်ဆောက်သွားရမှာဖြစ်တယ်။ ဘဝတူ၊ မျှော်မှန်းချက်တူ
မိတ်ဆွေတွေနဲ့ စစ်ရေး၊ နိူင်ငံရေးကိုလည်း ပူးပေါင်းဆောင်ရွက်သွားမယ်”
စသည်ဖြင့် အကျယ်တဝင့် ပြောကြားသွားခဲ့ ကြောင်း သိရှိရသည်။
ယင်းနောက် စစ်ဦးစီးချုပ်အား
စစ်ကြောင်းကြီးများမှ ချီတက်အလေးပြုကြပြီး စစ်ရေးပြကွင်းအတွင်းမှ
ပြန်လည်ထွက်ခွာကာ နံနက် (၇)နာရီအချိန်တွင် အစီအစဉ်ပထမပိုင်းကို
ပြီးစီးခဲ့ကြောင်း သိရှိရသည်။
ဆက်လက်ပြီး အစီအစဉ်ဒုတိယပိုင်းကို
နံနက်(၇)နာရီခွဲအချိန်တွင် ဆက်လက်ကျင်းပရာ ရက္ခိုင့်တပ်မတော် ဒုတိယ
စစ်ဦးစီးချုပ် ဗိုလ်မှူးကြီးဒေါက်တာညိုထွန်းအော
(၄)နှစ်မြောက် ရက္ခိုင့်တပ်မတော်နေ့ကို
အမျိုးသားတော်လှန်ရေး အနှစ်သာရရှိရှိ စည်းကားသိုက်မြိုက်စွာ ပြုလုပ်
ကျင်းပရန် ရည်ရွယ်စီမံထားခဲ့သော်လည်း စစ်ရေးအခြေအနေ တင်းမာမှုများကြောင့်
အချိန်အကန့်အသတ်ရှိခြင်း၊ တပ်ဖွဲ့ဝင်အများစုမှာ ရှေ့တန်းစစ်မျက်နှာများတွင်
တာဝန်ထမ်းဆောင်နေရခြင်းစသည့် အနေအထားများကြောင့် ပုံမှန်သာ
ပြုလုပ်နိူင်ခဲ့သည့်အတွက် ပြည်သူလူထုများအနေဖြင့်
နားလည်မှုပေးကြစေလိုကြောင်း ရက္ခိုင့်တပ်မတော် သတင်းနှင့် ပြန်ကြားရေးဌာနမှ
ပြောဆိုသည်။ NARINJARA
Subscribe to:
Post Comments (Atom)
No Response to "ရက္ခိုင့်တပ်မတော် (၄)နှစ်မြောက် တပ်မတော်နေ့ အခမ်းအနား အောင်မြင်စွာ ကျင်းပပြီးစီး"
Leave A Reply