Saturday, December 8, 2012
အမျိုးသား နေ့၌ လက်ပံတောင်း ကိစ္စ မကျေ နပ်သည့် သံဃာများ ဆန္ဒပြ
Posted on 7:13 PM by tun tun
သတင်း -
ပြည်တွင်း
Saturday, 08 December 2012 18:07
0 Comments
ယနေ့
ဒီဇင်ဘာလ (၈) ရက်နေ့တွင် ကျရောက်သည့် (၉၂) နှစ်မြောက် မြန်မာနိုင်ငံ၏
အမျိုးသား နေ့၌ ရန်ကုန် ရန်ကုန်၊ မန္တလေး၊ မုံရွာ မြို့ကြီး များ၌
လက်ပံတောင်း သပိတ်စခန်း များအား အာဏာပိုင် များမှ အကြမ်းဖက် ဖြိုခွင်း
ခဲ့သည့် အပေါ် မကျေ နပ်၍ သံဃာတော်နှင့် လူထုများက သပိတ် ပွဲများ ဆင်နွှဲ
ခဲ့ကြ ပါသည်။ ရန်ကုန် မြို့တော်ခန်းမ ရှေ့၌ သပိတ် စခန်းများကို အာဏာပိုင် များမှ အကြမ်းဖက် ဖြိုခွင်းခဲ့မှု နှင့် ပတ်သက်၍ သာသနာရေး ဦးစီး ဌာနမှ တာဝန်ယူ ဖြေရှင်း ပေးရန်၊ နောက်ဆက်တွဲ ဆန္ဒ ထုတ်ဖော် ခဲ့ကြ သူများကို အစိုးရမှ ဖမ်းဆီး ထားသည် များကို အမြန်ဆုံး လွှတ်ပေး နိုင်ရန်၊ အကြမ်းဖက် ဖြိုခွင်း ခဲ့မှုများကို ဖော်ထုတ်၍ အရေးယူ ပေးရန် သံဃာတော် များက တောင်းဆိုကာ မွန်းလွဲ နှစ်နာရီ ခွဲခန့်တွင် ဆန္ဒ ထုတ်ဖော် ခဲ့ကြည်သည်။
ရန်ကုန်
မြို့တွင် ဆန္ဒပြသူ များမှ ကြေးသွန်းဘုရားကြီး၊ မြို့တော်ခန်းမရှေ့နှင့်
ကမ္ဘာအေးစေတီ တို့အပါအဝင် နေရာ (၅) ခုခန့်အား စုရပ် ထား၍ ဆန္ဒပြ ခဲ့ကြပါသည်။
မန္တလေးမြို့့ ၌လည်း မွန်းလွဲ (၁) နာရီ ခန့်တွင် သံဃာ တော်များသည် အိမ်တော်ရာ ဘုရားဝင်း အတွင်းတွင် ထိုင်သပိတ် ပြုလုပ် ခဲ့ကြပြီးနောက် မွန်းလွဲ ၁ နာရီ (၄၅) မိနစ် ခန့်တွင် ဆန္ဒပြသူ အားလုံး၏ သဘော တူညီချက်ဖြင့် သံဃာတော်နှင့် ပြည်သူ လူထုများက ဆန္ဒထုတ်ဖော် ခဲ့ကြသည်။
မုံရွာမြို့ ဇောတိက ရာမ ကျောင်းတိုက်နှင့် အုတ်ကန် တောရ ကျောင်းတိုက် များမှ သံဃာတော် အပါး ၅၀၀ ကျော် ခန့်တို့သည် ရွှေစည်းဂုံ စေတီ ဘုရားကြီး၌ စုရပ် ပြုကာ မွန်းလွဲ ၁ နာရီမှ ၃ နာရီ အထိ မြို့တွင်းသို့ စီတန်း လှည့်လည်ကာ ဆန္ဒပြ ခဲ့ကြသည်။
ကမ်းနားလမ်း ပေါ်ရှိ တားရိုး ပေါ်တွင် လက်ပံတောင်း တောင်ဘက်သို့ မျက်နှာ မူကာ ဒဏ်ရာရ သံဃာတော် များအတွက် ၀မ်းနည်းခြင်း အထိမ်းအမှတ် အဖြစ် တစ်မိနစ်ခန့် ငြိမ်သက်ခြင်း ပြုလုပ် ခဲ့ကြသည်။
ဆန္ဒပြသူ များ၏ အဓိက တောင်းဆို ချက်များကို အစိုးရမှ မလိုက်လျော ပါကလည်း ဒီဇင်ဘာ (၁၂) ရက်နေ့ များတွင် ဆက်လက်၍ ဆန္ဒ ဖေါ်ထုတ် မှုများ ပြုလုပ် သွားရန် ရှိသည်ဟုလည်း ဆန္ဒပြ ကိုယ်တော်များမှ မိန့်သည်။
Subscribe to:
Post Comments (Atom)